Assalam oalaikum,
Ajkal
ke yug mein kahne ko aise anek log paaye jaate hain jo sva-ghoshit jadugar hote
hain. Parantu yadi saadhaaranatah dekha jaae to is kshetra mein jadugaron ki 13
shreniyaan hain jin ka vristrit varnana main is blog ki antim post mein karunga.
·
Aadhyatmik kaarya sampanna karne ki do
vidhiyaan hoti hain, ek noorani evan dusri sifli. Jaahir hai ke jadugar
naakaratmaka vidhi (sifli) ka hi prayog karega na ki saakaratmak (roohani) ka.
Jadugar apne drirha sankalp, aatma vishvaash evan kisi anubhavi guru ki
paryavekshana mein sifli moakkilon ko apne vash mein kar leta hai. Jab us ko naakaratmaka
shaktiyaan praapt ho jaati hain fir yeh us per nirbhar karta hai ke wo un se
kis kis prakaar ke kaarya karwaata hai. Poorva post se yeh spasht hai ke jadugar
lakshana heen hota hai. Is kaaran se woh apni shaktiyon ka kewal durupyog hi karta
hai evan woh dusht vyaktiyon ke liye dusht kaarya karta hai apne laabh ke liye.
Jadugar jis dusht evan shaitan humzaad ko apne vash mein kar leta hai us se
kisi ke bhi ghar ya anya kisi sthaan per dera jamwaa leta hai. Fir yeh shaitan
humzaad us parivaar ke sadassyon to atyant peeda dete hain aur tarah tarah se
tanga karne lagte hain jadugar ke aadesh per. Shaitan humzad kewal kisi vyakti
ki mrityu ke paschaat us ki qabar ke nikat paae jaate hain. In ko kewal is
pratham shreni ke atyant shaktishaali jadugar hi apne vash mein kar sakte hain
kyunki kisi chote mote jadugar ko yeh shaitan humzad dikhaai hi nahin dete
hain. Yeh shaitan humzad atyant ghaatak prakaar ke hote hain evan jab yeh kisi
nirdosh vyakti ke piche lagaa diye jate hain jadugar dwaara to us vyakti ki
budhhi bhrasht hone lagti hai. Woh is baat ko samajhne ke yogya nahin bachta
hai ke uske sath ho kya raha hai, kyun us ke samast kaarya ast- vyast hue ja
rahe hain athwa kyun uske jeevan mein uthal puthal machi hui hai bina kisi
spasht kaaran ke? Yeh shaitan humzad victim ke pratyek kaarya ko bigaadte hain,
khaadya padaarth mein haraam vastu ki milaawat karte hain, ghar mein durgandh
failaa dete hain evan har woh kaarya karte hain jo Shariah mein nishiddha hai.
Kyunki yeh shaitani humzad jadugar se bhi adhik dushta hota hai to yeh jadugar
ko naakon chane chabwa sakta hai. Aisi kathin paristhiti mein jadugar apne shaitan
humzad se kewal tab safaltapoorvak kaarya karwaa sakta hai yadi uska guru
atyant anubhavi evan shaktishaali ho. Kewal tab hi shaitan humzad ki lagaam
kasi rahti hai aur woh jadugar ki pratyek aagya ka paalan karte hain. Parantu
un shaitan humzad ka mool roop se naakaraatmak hone ke kaaran woh kisi bhi
Islami kaarya mein jadugar ko apna sahyog nahin dete. Is shreni ke shaitan
humzadon se apne kaarya karwaane wale shaktishaali jadugaron ki maatra kewal
aate mein namak ke barabar ki hoti hai. In gande humzadon ko apne vash mein
karne wale jadugar ghrinaaspada sthaanon mein rahne lagte hain. Yeh jadugar
yadi kisi ke virudhha ho jaen to uska jeevan mein uthal puthal machaa dete
hain. Shaitan humzad ke dwaara is shreni ke jadugar pati patni mein man- mitaav
athwa algaaw kar sakte hain, victim ko dishaheen bana sakte hain, kisi parivaar
mein santaan ko maata pita ke virudhh kar ke us ghar ki shaanti bhang kar sakte
hain, vyavasaaya mein baadha daalwa sakte hain, victim ko anjaane bhay ka
shikaar bana sakte hain itaaydi. In samassyaaon ke kaaran victim apne sudhh budhha
kho deta hai. Is prakaar ke victims ki aadhyatmik chikitsa karna kisi chote
mote amil ke bas ki baat nahin hoti. Is shreni ke jadugar ke failaye hue
vinaash se takkar kewal woh amil-kamil le sakta hai jiske paas svayam moakkil
hon. Jab aisa visheshagya amil dwara in shaitan humzadon per Quran ka kora padta
hai tab yeh victim ka picha chhorne per vivash ho jaate hain. Fir yeh shaitani
humzad apne jadugar ke kisi aagya ka paalan nahin karte hain evan un ko jitni
peeda sahani padti hai amil ke hathon uska pratishodh bhi woh jadugar se hi
lete hain. Prayah jadugar ki jaan tak chali jaati hai is ghaatak khel mein.
Bahrahaal, is prakaar ke jadu ka tode kisi kushal amil kamil se karwaana hi
upyogi sidhha ho sakta hai.
·
Dvitiya shreni ke jadugaron ko bhi shaitani
humzad ki shaktiyaan praapt hoti hain parantu yeh apni laalsa ke kaaran pratham
shreni ke jadugaron se kam shaktishaali mane jate hain. Yeh koi bhi kaarya bina
kisi laalsa ke nahin karte hain. Yeh jadugar apne kaaryon mein masaa
(qabristaan athwa shamshaan ki raakh) ka upyog karte hain evan in ke vash mein
jo skaktiyan hoti hain woh kam se kam samay mein adhik se adhik vinaash kar
sakti hain. Sheeghra hi yeh victim ke jeevan ko nashta karke jadugar ke paas
laut aati hain. Yeh dhurta humzad kisi ke parivaar ke sukh evan sampannata ko
dekhte hi dekhte mitti mein mila sakte hain.
·
Tritiya shreni per woh jadugar aate hain jo
buchadkhanon per sifli amal karke aisi shaktiyaan praapt kar lete hain jin ke
dwara yeh jadu kar sakein. Yeh sifli shaktiyaan jadugar ke aadesh per kisi bhi
parivar ki shaanti bhanga kar sakte hain. In ke kaaran victim ek anjaane bhay
se ghira rahta hai. Us ke man mein yehi vichar baar baar aata rahta hai ke kuch
ashubha hone wala hai. Is ke kaaran victim ke man mein sadev tanaav rahta hai.
Yeh jadugar har ghaatak evan ghrinaaspada kaarya karwa sakte hai apni
shaktiyaon ka upyog kar ke evan in ke apne niji sambandhi bhi inse bach nahin
paate hain. Aavashyakta padne per yeh un ka bhi upyog kar lete hain
·
Chaturth shreni per jo jadugar aate hain woh
apni ruche ke kaaran jadu tone ke kshetra mein utarte hain. Parantu woh
vyavasaayik jadugaron se kam ghaatak nahin hote hain. Woh tantra mantra seekh ker evan choti moti
hi sahi lekin nakaratmak shaktiyaan praapt karke un se victim ke paalan poshan
mein, santaan hone per evan vivaah mein baadha dalwaa dete hain.
·
Paanchvi shreni ke jadugar shaitan athwa
jinnat ko apne vash mein kar ke un se jadu karwaate hain. Yeh ek saral amal hai
jis ke dwaara jinnat ka naresh kuch saral shartein poori hone per jadugar ka
aagyakaari ho jaata hai evan us ke aadesh per victim per jadu karwata hai
·
Sab se shaktishaali jadugar kaldaani jadu
karne mein kushal hote hain. Is prakaar ke jadugar saralta se uplabdha nahin
hote kyunki unki sankyaa kam hoti hai. Is prakaar ke jadugar jis victim per
jadu kardein to us victim ko atyant apmaanjanak parishtityon ka saamna karna
padta hai eva woh apne jeevan se oob jaate hain. Aise ahankaari jadugar praayah
yeh daawa karte hain ke ‘jis prakaar
saamp ka dasa bach nahin sakta waise hi mera dasa hua bhi nahin bach sakta’.
Yadi kisi amil kamil ya Allah (swt) ke pahunche hue manushya se inke jadu ka
tod na karwaya jae to fir victim ka bachna kathin hai. Is prakaar ke jadugar
atyant krura hote hain evan yeh jis victim ke piche pad jaate hain uska jeevan
nashta kar dete hain
·
Ek prakaar ke jadugar chudailon ko apne vash
mein kar lete hain. In chudailon ko apne vash mein karna atyant kathin kaarya
hota hai kyunki yeh chudailein jab prakat hoti hain in jadugaron ke saamne to woh
apni anek shartein manwaati hain. Parinaam swaroop jadugaron ko chote chote
nirdosh bachon ki hatya karke evan unke rakt, hridya jigar aadi ko in chudailon
ki bhent chadhaana hota hai. Ek baar yeh vash mein ajayeh us ke baad bhi in ki
is prakaar ki maang rukti nahin hai evan yadi jadugar unki maang poori na kar
paya to fir yeh us ka koi kaarya nahin karti hain. Yeh chudailein dekhne mein
atyant bhayankar hoti hain. Unke lambe lambe kesh unke mun per pade rahte hain
evan unke naakhun bhi atyant lambe hote hain. In ke paer ulte hote hain isi
kaaran in ko pichal paeri bhi kaha jaata hai.
·
Ek prakaar ke jadugar jinnaton ke diye hue aadesh
ke anusaar pashu mangwaate hain evan us ko bina Bismillah padhe hue ziba kar
dete hain. In pashuon ka rakta jadugar apne grahak ke shareer per mal ker fir
us pashu ko kisi khandar athwa ujaad sthaan per fenk dete hain kyunki jinnat
isi prakaar ke sthaanon mein rahte hain. Fenkte samay Bismillah nahi kahte hain
jadugar evan ghar wapas ja ker woh kufriya taweez banaate hain jis se shaitan
jinnat aur prasanna ho jate hain. Fir woh un jinnaton ko aadesh jaari karne
lagte hain.
·
Ek prakaar ke jadugar shaitan ko prasanna
karne ke liye Ishwar ninda (blasphemy) karta hain. Woh itne ghatiya kaarya karte
hain jisse woh shaitan ke samooh ka sadassya ban jaate hain. Woh [Allah (swt)
maaf faramaaye] Quraan Paak ke joote bana ker pehente hain, fir woh shauchalya
mein jaa ker aur kufriya mantra jaapte hain. Us ki is ghrinaaspada evan anuchit
kriya se shaitan itna tripta ho jaata hai ke shaitaanon ka ek bada sumooh aise
jadugaron ki sahaayta karne ke liye upasthit ho jata hai. Woh shaitan aise
jadugaron ke kaarya karne ke liye sadev tayyar rahte hain kyunki tne
ghrinaaspada kaarya karne ke kaaran aisa jadugar kaafir ban chuka hota hai evan
shaitan ke bhai jaisa hi ban jaat hai, to shaitan bhala apne bhai ke kyun
sahaayta nahin karega?
·
Koi koi jadugar Quran Paak ki aayaton ko maasik dharma ke rakta athwa kisi
anya apavitra vastu se likh leta hai. Fir woh kufriya mantra jaapta hai evan shaitani
jinnaton ko upasthit karta hai apne saamne. Fir woh un ko aadesh de ker victims
per jadu tona karwaata hai
·
Ek prakaar ke jadugar Quran Paak ke kalaam ke huruf ko ulta ker ke likh
lete hain fir un se shirkiya taweez banaa lete hain evan shaitani jinnaton ko
apne aage upasthit karwa lete hain. Fir un se jaisa chahe karwaate hain
·
Kuch jadugar ek vishesh grah ke dhalne ki prateeksha karte hain evan jab woh
dhalna aarambha ho jaata hai to woh shirkiya antar jaapne lagte hain. Aise
jadugaron ko yeh bhram hota hai ke woh grah un ki sahaayata kar raha hai aur
unko shaktiyaan pradaan karega. Sach yeh hota hai ke unki is anuchit kriya se
shaitan prasanna ho jata hai kyunki yeh kriya us grah ki pooja karne ke samaan
hai. Allah (swt) ke bajae uski srishti ki ibaadat karna shirk hai is liye
shaitan aise jadugaron ko shaktiyaan pradaan karta hai jab ki woh samajhte hain
ke un ko woh shaktiyaan us grah se praapt ho rahi hain.
·
Ek prakaar ka ghrinaaspada jadugar mala khaata hai evan mootra pi jaata
hai taaki us ka jantar mantar kaam kare. Woh har samay apavitra rahta hai evan
kufriya kaarya karta rahta hai shaitan ko prasanna karne ke liye. Woh paleeda (malin)
jadu karne mein kushal hota hai. Yadi koi dhaarmik vyakti apni safalta ke liye
koi acha amal kar raha ho to aisa jadugar malin amal karke us vyakti ka amal
prabhaavheen kar deta hai. Aise jadugar malin jadu karke ache bhale vyaktiyon
ko apavitra kar dete hain. Fir yadi aise victim Quraan Paak dwaara bhi apna
jadu todna chahe to woh nahin tut paata kyunki Quran Paak kewal pavitrata mein
kaarya karta hai. Udaahran swaroop yadi koi vyakti apavitra ho aur bina wuzu ke
Quran sa-swar padhne lage to us ko kuch bhi laabh nahin hogaa. Kuch vyaktiyon
ne yeh charcha aam kar di hai ke jadu kewal Quraan Paak se nahin toda jaa sakta
hai. Un ko yeh vaastavikta pata nahin hoti hai ke Quran Paak kyun aise victims
per se jadu ka prabhaav dur nahin karta hai. Is prakaar ke anek jadugar hote
hain vishva mein. Woh yeh sab avaidh kaarya evan ghor paap gupt roop se karte
hain isi kaaran vash loog ko saadharantaya jadugaron ke ku-karmaon ke bare mein
adhik jaankaari nahi mil paati hai. Mujhe jitna pata tha woh sab maine likh
diya hai.
Amel Soname Contact
agar apko kohi be sawal karna ha to mujha direct contact kareen. is email ka ilawa hamare kohi or dosare kisi be kisam ki help support nahi ha
dua main yaad rakhya ga
amel soname
amel_soname@yahoo.com
agar apko kohi be sawal karna ha to mujha direct contact kareen. is email ka ilawa hamare kohi or dosare kisi be kisam ki help support nahi ha
dua main yaad rakhya ga
amel soname
amel_soname@yahoo.com
28 comments:
Dear Sir,
Muje Naaf ka problem hey from past 10 years. My age is 27 . Always display from own place.
Bohat problem mey ho... es k waja sey pain in legs and backbone.
I went and did many taweez but did not work. some time it get work but only for 2 days.
Assalam-o-alaikum kese hain ap umeed kara hun ap bilkul theak honge Allah pak ap ko or sehat tandrusti ata farmaye Ameen Phele main ap or ap k bare me janna chahat hun ap ka name ap ka rutba?
Mera naam irfan maine ap ki side visit ki mujhle buhat achi lagi maine soch kun na main apne masle ka hal bhi apse puchon kia ap meri bhi maddat Karen ge ?
Jesa apne likha hai dimmag ka kam na karna cheezen bholna sir par bhari pan mehsos hona koi bat samjh na ana na thek se parhna or zaban thek se kam nahin karti etc. main apko bana chata hun kuch is taran ka mere sat bhi .
1 Dimag theak se kam nahin karta na sir pa bojh sa lagta hai.
2 Kuch kam karne ka sochtaa hun ya karta hun to wo hota nahin hai
3 Zaban theak se kam nahin karti larkharati rehti ha or confidence bhi nahin hai kisi ke samne theak se bat nahin kar sakta ghabrata hun jese kanpne lagta hun.
4 Parhai me buhat piche hun kuch bhi parhta hun yad nahin rehta na parhe jata hai or na likhe kuch parhne k liye utha ta hun to chir si hone lagti hai or kahin coching centre jata hun to kuch din jata hun samjh ata hai phir age chal k nahin ata .
5 Namaz parhta hun namaz me bhi zaban theak nahin chalti.
6 Or kisi job k liye apply karata hun to koi jawab nahin ata or koi kam karna chata hun to karne se phele hai finish ho jata
Or buhat si baten hain yad nahin arahi or jub yad nahin ati to gussa buhat ata hai or wise bhi gussa or or dil karta hai bus T.v Dekhun ya net par betha rahun or pata nahin kahan kahan dimag ghumta hai or me aj ghar par betha hun free bus aisa lagta hai jese kabhi b pagal ho sakta hun tang agay hun me buhat.
Or han aik bat aik dafa bhai masjid k bahir khare the or main masjid se jese bahir aya bhai ko kisi ne kaha ye kon hai bhai ne kaha ye mera bhai us admi ne kaha ye kabhi bhi kuch nahin kar sakta is ka dimag band or jis kam me bhi hat dalega wo nahin hoga han agar ye khud koshish kare ga to kuch hoga .
Bus is se ziyada or main kuch nahin bol sakta mujhe likhte huwe bhi ajeeb si kefiyat ho rahi dil kar raha hai bus jaldi se jan chura dun plz ap mujhe kuch baten ta k me is jaal se nikal sakon.
Or kuch puchna chahen to mujhe mail kar dijye ga
Shukriya .
Assalam-O-Alekum
Mera naam Irfan hay aur mujh per jadu hay , mein yeh maloom karna chahta hoon k
mujh per kis ne jadu karwaya hay , mujhay jadugar ka pata nahi karna sirf jadu karwane walay ka
pata karna chahta hon
barey meherbani koi aisa istikhara ya aisa wazeefa bata den jiss se mujhay pata chall jaey k mujh per jadu kisney karwaya hay , sari umer aap ka ahsaanmand rahoonga.
shukria
Mera naam Mujahid hai, Muze Bahot Dino see pet dard ki shikayat hai, Sabhi doctor report normal hai, please Meri madad kijiya
a.o.a amel sahib ....men boht bemar hun ...mene m.akia hwa koi jobb ni mil ri h pls mujy koi wird bta den
Sir mere papa ak jadoogar k chakkar me fas gae h..wo jadoogar humare ghar me kuch karne bhi aaya tha..usne mujhe ak mantra bolne KO kaha "yamadni jamadni" ghar k had kone me gulab rakhwa kar andhera kar k shetano KO bulwaya...uske baad se mere ghar me bhot problem shuru ho gai..meri ma aur papa me roj ladai hone lagi h aur baat bhot badh gai h.peso ki bhi kami rehne lagi h...meri madad kijiye kya aapse Milne ka aur koi tarika he..kya me aapse baat karsakta hu
Meri beti ko gabharaman (becheni) bhut hoti he kbhi sir me kuchh hota he kbhi sara badan me thakan lagti he e 14 salse heran hiti he usko kisine kuchh kiya he plz help me
mai bahut pareshan hoo kyonki mai jis ladki se mohabbat karta hoo aur wo bhi mujhe bahut mohabbat karti thi lekin unke ghar walo ne jadu ke zariye se uska dil mere dil se bura kara diya hai ab mai usko pa sakta hoo
Assalam o alikum
Bahi mene ek friend ko business keliya paisa dalatha magar business kuch problem ke vajase penting okaya ap o bolatha kuch paisa usko anevala hai agaya tho muche degha asha bola hai magar usko paisa denevala usko denekeliya enkar kar raha hai ab paisa anekeliya kuch help ki zarorath hai
Pls reply me
Allah hafizz
AoA.meri babhi ny mery bahi py kala elam kiya hin wo hum sab se larta hin us ny humari kuch cheezy bhi cuhpahi hin kuch esa kery ky wo kud humay humari cheezay wspis ker dey.plz aap meri madad kero
Plz help me
Assalam o alaikum. Meri walida ko pichlay 14 saal say aik bimari hay. Jis ki wajah say un k hatho ki ungliyan mur gye hain. Or hamaray ghar main bhi hr waqt larai hoti rehti hay. Hmaray gar k drakhtoo say nhi kafi dfa taweez bhi niklay hain. Hm nay hr jagah dekhaya hay mgr koi faraq nai pra. Tou ap is silsilay main hmari kia madad kr sktay hain.
Salam sir mere or mere shohar ka buhat jhgra hota hai .hum kai kai months tak aik dosre se baat nahi karte alag alag rooms mai sote hain .kai logon se pocha jis mai kai naik log b thay .Sab ne jadu bataya.or koi faraq nahi para.paisa b lagaya or bina or fisabillilah b ilaj karwaya.plz meri rahnumai kijye.
Hii sir,
Mera naam govind hai age-25 years from faridabad. Mai 4 month se musibat mai fansh chuka hu or job less ho gya hu or iske alawa kafi sari gandi tragidy pichle 4 month m ho chuki hai. Please apse nivedan hai ki agr ye koi kala jadoo hai to apni salah de
Thank & regards
Govind
Aslam,o,alaikum amel sahb aj me jinat ko chirag mein jlanay walay amal krny ja rha hun Insha Allah...ap ny boht kuch btaya is leiye main apko apna ustad manta hun.,.MERE liye khas dua kijiye ga...k Allah Pak muje is field mein sabit qadam rkhe...ALLAH hafiz....
Sir
Kisi ne muj par kuch kiya hua hai jiski wajah se me apni patni par shak karne laga hu hara roj ladai bhi hota hai...
Iska upay bataye..
Aur ye sab kon kar raha hai kaise para kare
Humari ladahi aksar ghar par hi hoti hai jaise kisi ne pure ghar par kiya hua hai...
Pls upay bataye
..thank you
asal main ye mere mamoo ka msla hie or main out of city main gya tha mamoo ne muje kaha k beta mere leye kahein se zahr la doo to maine phr net se serch kia ap ka address mila to ap ko mamu ki kahani lkh di hie sar mamoo mere taxi chalate hien or apna sab kuch bech kr aamloon ko de dya hie kahein bakre or kahein zafran mushk or pta nahi kia de chuke hien mgr sab frod hie agr ap ko insaniat se koi hmdardi hie to pls ap unka kuch krdein mamu mujse 7 sal bare hein
dair se rply meri wja se howa hie main yahan mojod nahi tha mamu btate hein k muje 10 sal se kuch na kuch msla tha mgr main ne kuch ahm nahi smja mgr 6 sallon se to bohat zyada tklefen khul kr samne i hien Allah ka wasta hie ap agr kuch kr skte hien to krein
namaz se baghte hien or azan wali bat bi sahi hie
btate hien muje peche se koi chez jism main lgti mahsoos hoti thi mgr dekhta to kuch b nahi tha
khwab main bhansein boht dekhta hoon or chapkilan apne ghr or bed k neche kai dafa mara b hie or zyda tar yahie dekhi hie
jism main aag har wkt lgi rahti hie
hath paon se aag niklti hie
peshab main main badbu b aati thi or pait main dard or maroor parte hein ab b or boht bare bare phad aate hien money peshab main jati hie or madicins start main boht khai thien pait main dard or peshab ki mgar ab sari chor di hien docotrs ne kala yarkan btaya mgr muje to ye taklef 6 saloon se hie ab to koi 6 mnth pehle sene per uskadr shadeed boj para tha k meri jan hi nklte nklte bachi hie ab kuch wo kam hie mgr hota zroor hie 24 ghnton or kuch b khaoon to paid main phad bante rahte hien pehle pait main awazen aati thein mgr ab gur gur hoti rahti hie
boht bhok lgti hie ab mera jism sokhna start hoa hie or din ba din seht gir rahi hie paon main boht dard hota hie khra nahi raha jaskta 5 mahne pehle mera rung kala hogya tha ab kuch behtr hie jism main andr aag hie koi thandi chez asr b nahi krti kahan jaoon koi zyarat or darga nahi chori jahan na gya hoon agr ap kuch kre to sari zindgi jtni b ab bachi ap ko or apki olad keleye duaen krta rahoonga waslam
Aoa
Mein student hun...
Entry test ki tyaari kr rha hun...
Jo apny alamat likhi theen Jadu ki
Wo shuru sy ly kr naaf k neechy dard tk sub muj mein hain... us k neechy jo alamat theen ulti waghera wo abi ni hain
Naaf k neechy dard aj start hua hai....
Shyed abi shuruwat hai
Q k ulti waghera abi start ni hui...
Mera exams 5-6 din baad hain....
Kya krna chahiye....
A.salam ,
Mery piaray bhai ap jo ye website ko chala rahy ho ye buhat acha kaam kar rahy ho...ALLAH ap ko is ka buhat ajaar dy ga....humai duein hein ap k liye...Ameen..... mery bhai mery sath kuch masly rehty hien.. me ny us k bary mein ap k sath baat karni hay jo masly hien woh me nechy likh raha hun....
1- sir me dard rehna.... dard rehta hay ankhn k oper wali hadi mein kabhi ik side py kabhi dosri side py.. ik sath dono side py nahi hota.. ik ik side py hota hay. or na hi pory sir me hota hay...ankh k oper wali hadi ju morah k naak taak ati hay..
2- kabhi kabhi mera demagh bhi theek sy kaam nahi karta ... smjh nahi ati k kia karu...
3- bholny ki buhat bemaari hay jesy ghar sy kuch 2 3 cheezein leny niklon tu waha ja k 2 ly aon ga ik bhol jaey gi...esy hi ghar waly koi kaam kahin k office sy wapsi py karna tu kabhi kabhi tu bilkul yaad nahi rehta ghar ajata hun or kabhi kabhi tu office me yaad hota hay k rasty mein ye kaam karna hay or office sy nikal k bhol jata hun.. or wesy hi ghar ajata hun...
4- Weham ki tu buhat sakht bemari hay... jesy k koi kaam kar k bad me sochty rehna k ye me ny sahi kiya ya nahi.... ya phir door lock karna or bad me bhol jana....sochty rehna k sahi lock kiya ya nahi....
5- Namaz k doran mujeh buhat shadeed kisam ki abasiyan atti hein... itni k mery liye namaz parhna bhi mushkil ho jata hay..lekin jab namaz parh lo tu phir sub khatam...nend ki ye postion hay k normal hay raat ko 12 ya 1 bajy sona or subha 9 :30 taak sona.. is k ilawah koi nend nahi...
6- Sex ki taraf buhat dehan rehta hay.. buhat ziada.....har time sex hi ghomta rehta hay mind me.. jab k begum k sath sex karny lagta hu tu ziada time nahi laga skta 4 5 jhatkon me hi farigh ho jata hun...kabhi kabhi tu sirf condom pehanny k liye bhi begum sy door hon tu sharam gah me narmi ajati hay.....
7- khawab me kabhi kabhi apni hi behan ko dekhta hun k me us k sath sex karna chah raha hun or usy pakar leta hun... ya kabhi apni hi ami ko dekhta hun bina kapron k....
8- Faisla nahi kar skta... kabhi ik sy mashwara karta hun kabhi dosry.... in mashwary karny ki waja sy demagh or bhi pazzal ho jata hay....or phir faisala karna buhat hi ziada mushkil ho jata hay... ye choti sy choti baat ka faisala ho ya bary sy bari baat ka faisla ho....
9- or phir ghlt faisla kar deta hun aksar.. or phir sochta rehta hun k esa nah karta wesa karta wesa karta...
10- koi soda waghera leny jaon tu bargening nahi karta or jab ly lon tu sochta hun k yaar me ny ye chez mehangi ly li hay me usy kam kehta tu woh dy deta...
mery bhai ye masly hein me ny mukamal khol k ap ko bta diya.. meri madad kar skty hein tu merbani ho gi ap ki....or ik bat karachi k ik sahab hein unho ny humy sabaq diya hay parhny k liye.. woh hum ghar me ami parhti hein pehly me bhi parhta ta ab me sust ho gya hun sirf walda parhti hay pani py dum kar k hum sub peety hien...
amal ye hay: subha fajar k baad 11 martaba darood shareef phir Manzil phir 1000 bar (BISMILLAH) phir 11 martaqba Darrod Shareef.........Maghrib k bad: 11 Darood Shareef phir manzil phir 11 Darrod shareef... dono time pani py parh k phonkny hien or pani peena hay....
bhai ap k jawab ka intezar rahy gay....merbani ho gi... shukriya...
meri tbyt thek nhe rehti pichhly 4 monthz se. oar dr. kehty hn k tm blkul theek ho.ma darti b bht hun. pehly to ma rat ko b nhe darti thi chahy akeli hoti thi lekn ab din ko b sab k sath hoty hue b darti hn. maine kal hi faal nikalwai mjhy pta chala ha k kis ne mjh pe tavez kiye hn. ab jab mjhy pta chal chuka ha to kia tavezo ka asar toot jaega ya nhe?
Hafiz jee meri aik bohat bari problem hai, meri shadi ko 2 saal honey hain mera husband canada mai rehta hai, woh shadi ker k canada chala gaya tha 3 month bad wahan ja ker 2 week baat ki thin uske bad woh bilkul change ho gaya tha ab meri bilkul bi usse baat nai hoti hai meri love marrige ho hai, plzzzzzz plzzzzzzz bohat bohat parha shan hon kia keron ab meri husband se baat nai hoti hai..... ðŸ˜
Mera naam sikander hai meri tabiyat hamesha khatab rehti hai mai aap ka status goole me padha kala jadu k bare me bahut se chize meri halat se mail khati hai kya aap meri madad kar sakte hai pls bahut jyada pareshani jhel rha hu shadi shuda hu ghar ka bojh mere upar hai kaam kamai bhi nhe chalti jagah jagah aalimo ko dikha dikha k thak gya hu agar aap meri madad kar sake to aap ki badi meherbani hogi .
Mane apka article pdha...
Usme jo baten likhi h.. Wo mane feel ki h.. Mujhe b kai bar bahut jyada sehwas ki iccha hoti h. Mai unmarried hun.. Mujhe apne shoulder pr hr samay bojh mehsus hota h... Mere shereer k aang b fadfdate h.. Or nerves mai khichav hota h.. Aalsi b ho gyi hun.. Der tk soti hun..mere period b kam ane lge h..
Kya mujh pr b kala jadoo kia gya h.. ? Koi upay btaye..
Apka bht ehsan hoga mujh pr..
mujhe koi upay batayein jis se ki mere bal jharna band ho jayein
ASSALAMUALAYKUM HAZRAT, MAIN SAIF HUN AUR KOLKATA MEIN REHTA HUN. MUJHE AAPKA NUMBER CHAHIYE TAKE MAIN APNI PERSHANIO KA ILAAJ KAR SAKHUN......
Mere husband ki jis ghar me pehle rehte thi us ghar ki makaan malkin thi. Usne shadi ni ki h mere pati k peeche padi h. Usne kala jadu kiya. Mere pati drink krne lage h. Sabse ladte h office se lekar ghar walo se se dosto se.Vomiting krte h. Khana ni khate bas shrab. Sadhna rai thodi thodi der pe call krti h.Bas usi ki sunte. Pagalo jaisi harkat chillana gaali. Rakshas jaise. Meri family tutne se bacha lijiye. Wo aurat kala jaadu ki h unpe. Plz help me hmlog bhut pareshan h. Mera aur koi ni h unke alawa. Us sadhna rai se nafrat krne lage wo. Please help us
Guru ji ko mera shat shat pranaam, Guru ji mera naam Vikas hai main Gwalior, (M.P.) se hun.Main Apni Patni ke baar baar pyar main dhoka dene aur jhooth bolne ki aadat se bahut pareshan hun or saath hee saath jabse shaadi hoker aayi hai tab se usne na tao mere ghar walon se or na mujhase bahanaker chali bass hamesha se apni naani or maa ke kehne per hee chalti rahi jiske kaaran ghar main seema se adhik kalesha badh gaye hai jismain ki maine 2 baar aatm hatya tak karne ki kosish kar chuka hun kynki humara ghar bahut saral or shaant swabhaav ke logon ka ghar hai. Ghar main meri patni aur mera jhagda hone per uski maa galat bolti hai or jhuthey act main fhansane ki baat karti hai jaise--" Dahej act."..Woh baut hee galat log hain or meri wife baar baar mayeke chali jaati hai Kabhi 2 mahine kabhi 3 mahine or fir abhi dhoke se mujhase sammbandh banaye sirf baccha paida karne ke liye jisse ki ladka ho jaye jabki meri istithi abhi ek or baccha karne ki nahi hai meri 2 saal ki ek beti hai or main ek or baccha nhi chahta guru ji. Main apni patni se bahut pyar karta hun per usey meri bilkul chinta nahi hai or jhagde main 3-4 baar keh bhi chuki hai mere liye ki "Marta bhi nahi hai chain mil jaaye".. Guru ji maine aapke baare bahut suna padha hai meri aakhiri ummed aap hee hain, Kripa karke meri samsya ka nidaan ki jiye.Guru ji Shighra aadi shirghra meri samasya ka nidaan kijiye.
Assalam o Alaikum
Sir, Main pehle boht acha tha hr kisi ka kehna manta tha, naik b tha, or Allah k krm se sb thek tha, mgr F.A krne k bad mere andr boht hi tabdeeliyan ayi, meri nazar boht weak ho gyi hai baal jharr gye hain, ganja ho rha hun, dimagh ki kamzori barh rhi hai, job nhi milti thi ab ja k 3 mahene se job boht hi mushkilon se mili hai private hai, us me b musail ho rhe hain, kuch yad e ni rehta k kya kam krna hai. boss b khafa rehta hai, mene badam b khaye hn oil b boht se use kiye hain mgr kuch b zara sa b fark nhi prta. meri umr 26 saal hai mgr week hota ja rha hun. khawab b ache nhi aate. dogs or snake kbi kbi khawab me dikhayi dete hain., meri kalaiyaan or legs patli hain baqi body se main tandrust lgta hun pehle aisa nhi tha, main khud ko kmzor feel krta hun. hr wqt bilawja si tension tehti hai. ajeeb si tention rehti hai koi smj ni aati, ghar me b kisi ki job nhi hai, ek barra bhai hai us ne MA kiya hua hai mgr job nhi mil rhi, us ki umr 29 saal ho gyi hai, shadi b abi kisi ki ni hoi, boht se musail hain ghar me. sb ghar wale b boht tention me rehte hain
plz ap koi hall batayen asaan sa. main bas jald se jald theek hona chahta hun,
Allah ap ko or ap ki family ko seht o tandrusti wali lambi zindagi ataa kre,
Amen
Sir mere body ka tempature jayada rehnta hai lekin woh dr ko nai pata lgta aur sara din sirr mein dard rehnta hai ... iska koi upaay bataie sirr
Post a Comment